Amadekarîya
Nivîskar: Koma Berhevkariyê
Berfin Aktay yek ji stranbêja muzîka Kurdî ye, ku xebatê wê di medyaya civakî de ji hêla bi mîlyonan kesan ve tê şopandin. Berfîn Aktay di sala 1992yan de li Nisêbînê (Mêrdîn) hate dinyê. Navê bavê wê Evdirehman û navê diya wê Nazîfe ye. Ji ber ku bavê wê li tembûrê dixist û distra, di zaroktiya xwe de dil da muzîkê û 5 salî dest bi tembûrê kir. 6 salî cara yekem bi bavê xwe re derket ser dikê.
Berfin Aktay, di 2008-2009 de li Navenda Çand û Hunerê ya Mîtannî(Nisêbîn) di nav koroya jina de cî girt. 2012 an de bi strana 'Canda' di nav medya civakî de hat nasîn. 2012 an de bavê wê çû ser dilovaniya xwe. Bi têsîra vê xwe bi giştî da nav baskê muzîkê. 2012 an de ji bo perwerdehiya muzîkê ji Nisêbînê derbasî Amedê bû. Li Akademiya Çand û Hunerê ya Cegerxwîn dest bi perwerde û xebata muzîkê kir. 2014an de strana xwe ya yekem bi navê 'Mestan' ku ji bo bavê xwe nivisandibû parvekir. Di heman salê de tevlî Orkestra Heskîf bû. Di nav Orkestra de heya 2015 an xebat meşand. Di projeya 'Keybanû' de wek korîst cî girt. Navbera 2015-2017an de li Studio Huneramed de kar û xebatê teknîki fêr bû û dest bi xebatên teknîkî kir. 2017an de ji bo perwerdehiya xwe berdewam bikê derbasî Stenbolê bû û li Zaningeha Stenbolê ya Teknîkî (Istanbul Technical University) beşa Teknolojiya Muzîkê (Music Technologies / Sound Designer) perwerdehî distîne.
https://www.berfinaktay.com/
https://jinhaagency.com/kr/lsta-roj/content/view/8184?page=2
https://www.youtube.com/watch?v=H1RKOOkxcAs
Nivîsén tékildar
