Cano Şakir

Helbestvan û Nivîskarê Kurd Cano Şakir, di 24.12.1974an de li Gundê Til Xatûnê a girêdayî bajarê Tirbespiyê ya ser bi navçeya Qamişlo ve li Rojavayê Kurdistanê hatiye diniyayê. Xwendina xwe ya seretayî li gund temam dike û xwendina xwe ya navendî li bajarê Tirbespiyê bi dawî dike. Di despêka salên 1990 de, berê xwe dide Şamê paytexta welatê Sûriyê , li wir çend hevalan nas dike û xebatên wî yên ji bo mûzîk û şanoyê bi rêve diçin heta salên 1997an. Dûra berê xwe dide koçberiyê û li Almaniya bi cî dibe.

Nivîsên wî di kovar, rojname wek Polîtîka Azad, Yeni Özgür Politika, Diyarname, her wiha hin malper û quncikên internetê derketine. Cano Şakir hîna di salên xwe yên dibistanê de têkiliya wî bi helbestê re hebû. Di sala 1989an de helbesta yekem bi navê ‘Ez Kurdim Ez Kurdim ' nivîsiye, Ji wê çaxê heta niha ew bi helbest, çîrok, gotar û hin nivîsên din re mijûl e. Endamê Pena Kurd e. Ji havîna 2018an ve, di Çira Tv de, Bernameya Pencereya Wêjeyê pêşkêş û amade dike. Ji sala 2020an ve di navenda nûçeyan a Çira Tv’ê de ye. Her wiha ew ji sala 2020an ve, Endamê Sandîkeya Rojnemevaniyê a Rojnemevanê Elamaniyayê ye.

Berhemên Cano Şakir yên çapkirî ev in:

1- Rojava, Helbest, Weşanên Ar, 2013

2- Rêwîtiya Ber Bi Avê Ve, Çîrok, Weşanên Ar, 2014

3- Şeva Tirsê, Helbest, Weşanên Ar, 2016

4-Şaviya Mirinê, Helbest, Weşanên Ar, 2017

5- Împeratoriya Helbestê (Nameyên Ji Gazinan), Destana Helbestî, Weşanên Ar, 2017

6-77 Pêlên Ji Bêhna Leyana Şevê, Destana Helbestî, Weşanên J&J, 2018

7-Rawestgehên Bendemanê, Destana Helbestî, Weşanên Ar, 2018

8- Helbestname (1), Helbest, Weşanên Ar, 2019

9- Helbestname (2), Helbest ,Weşanên Ar, 2019

10- Antolojiya Helbesta Nûjen A Rojavayê Kurdistanê, Weşanên Ar, 2020

AGAHIYÊN PÊWENDÎDAR:

https://www.youtube.com/watch?v=5FOtYE2yu3c

Sîwan 39 (Stêrk TV, 13.03.2021) Cano Şakir vs Kawa Nemir

ÇAVKANİ

https://ar.wikipedia.org/wiki/%D9%85%D8%B3%D8%AA%D8%AE%D8%AF%D9%85:Cano_%C5%9Eakir

Hin nivîsên têkildar

Marcos Dobelîo- Marqus ad-Du’abili al-Kurdî(1572–1654)

Zanyar, nivîskar, wergêrê Kurd Marcos Dobelîo, di destpêka sedsala 17an de li Ewropayê Xirîstîyanekî çalak bû. Çavkanî didin xuyakirin ku berî here Îtalyayê û li Romayê bi cih bibe, beşek ji karîyera xwe ya destpêkê li Helebê, li navendeke rewşenbîrî ya girîng ji bo zanyarî û wergerên Xiristiyanên rojhilat derbas kirîye. Dobelîo perwerdehîyek berfireh di Erebî û zimanên têkildar de wergirtîye û ev yek rê li ber naskirina wî wekî Erebînasek rêzdar di nav derdorên akademîk ên Ewropî de vekirîye. Pisporîya wî di ziman, îlahîyat û destnivîsan de; zanîna wî ya Erebî, Suryanî, Îbranî û Yewnanî; dabeşkirina wî ya destnivîsên Vatîkanê û pisporîya wî ya teolojîk kirîye ku di dîroka Xiristîyanîyê de di nav fîlologên navdar ên serdema xwe de cih bigire...

Ezîz Gunel - Horepîskopos

Keşe, nivîskar û xetnivîskarê Suryanî Ezîz Gunel, axaftvanekî bihêz bû, xwedî bîreke xurt, zanîneke dîrokî ya berfireh, xweşsohbetvan û hezkirîyê mîzahê bû. Horepîskopos Ezîz Gunel gelek berhem li pey xwe hiştin, helbest jî nivîsandine û gotar weşandine. Di 21ê Nîsana 1985an de, wesîyeta xwe bi helbestî nivîsîye ku ji 328 rêzan pêk tê.

Seyîd Mihemedê Şemzînî

Seyîd Mihemed, kurê Seyîd Abdulqadirê Şemzînî ye û sala 1879an li gundê Nehrî ya Şemzînanê ji dayik bûye. Ji ber tevgera sala 1880yî ya Şêx Ûbeydulayê Şemzînî, malbat bi giştî ji alîyê desthilatdarîya Osmanî ve hatine nefîkirin ji bo bajarê Hîcazê. Salên ciwanî û xortanîya wî li cî û warên bîyanî yên nefîkirinê derbas bûne. Perwerdeyîya xwe ya sereke di medreseyên terîqeta Neqşebendîyê de temam kirîye...

Ansîklopedîya Kurdistanê

Ansîklopedîya Kurdistanê

Cano Şakir

Kategorî

Menu

ANSIKLOPEDIYA KURDISTAN