Kurdistan û Sînor(pirtûka Eslîxan Yildirim)

Ev zêdeyî dused salan e Kurd û Kurdistan di nav êgir de ne. Di serê sedsala 19emîn de li dinyayê guhertinên mezin pêk hatin, lê Împaratoriya Osmanî li paş mabû û bi gelek pirsgirêkan re rû bir û mabû. Di vê demê de Împaratoriya Osmanî çav berda Kurdistan û gelek mîrekiyên Kurdan yê serbixwe ji holê rakirin. Di vê demê de Kurdan û Kurdistanê windahîyê mezin dan. Bi qelsketina Kurdistanê, Dewleta Osmanî jî bêhtir kêm ket û di serê sedsala 20’emîn de ruxiya. Di Herba 1emîn ya Dinyayê de Dewleta Osmanî hat dagirkirin, Kurdistan jî hat parçekirin û parvekirin. Di nexşeya dinyayê ya nuh de sînorê Kurdistanê tune bûn û gelek sînor di hundirê wê de derbas dibûn. Bi parçekirina Kurdistanê gelek dewletan, li ser tunekirina kesayetiya Kurdan jî li hev kirin û ev zêdeyî sed salan e ku Kurd di bin vê êrîşê de ne…

Mijara pirtûka “Di Sedsala 20’an de  KURDISTAN Û SÎNOR” sînorê di hundirê Kurdistanê de ye û lêkolînên ji gelek aliyan ve yê li ser van sînoran hatine kirin tê de cih distîne. Xebat ji du cildan pêk tê. Di cilda I’emîn de bi kurtayî dîroka sînorên di hundirê Kurdistanê de heye. Di cilda II’yemîn de jî “Sînoran Bi Xwe Re Çi Anîn?” xal bi xal raxistiye ber çavan.