Amadekarîya
Nivîskar: Arif Zêrevan
Rojnamevan û nivîskar Arif Zêrevan ji herêma Botan ya bakurê Kurdistanê ye. Li parêzgeha Cizîrê hatiye dinyayê, li cem bavê xwe seyda Şêx Melle Evdirehmanê Gundikî dersên zimanê Erebî û dînî xwendine. Li Zanîngeha Stockholmê fakulteya rojnamevaniyê qedandiye û ji sala 1995ê ve di medyaya Swêdî û Kurdî de kar dike.
Kitêba “Bingehên Rastnivîsandina Kurdiyê (Kirmancî)” ya Arif Zêrevanî sala 1997a di nav Weşanên Nefelê de derketiye. Paşê jî kitêba Celadet Alî Bedirxan a bi navê “Elfabêya Kurdî û Bingehên Gramera Kurdmancî” ji nû ve çap kiriye. “Dîwan”a Melayê Cizîrî û “Memozîn”a Ehmedê Xanî ji alfabeya Erebî transkrîbî alfabeya Kurdî-Latînî kirine û ew wekî kitêb hatine weşandin.
Arif Zêrevan berpirsê malpera Nefelê ye. Ji sala 2002yê ve di warê siyasî û kulturî de gelek nivîsar di malpera Nefelê û hinek malperên dî yên Kurdî de nivîsîne û ew wekî rojnamevan û nivîskar tê naskirin. Xebatên wergerê her berdewam dike. Wergera wî ya ji bo Kurmancî ya kitêba Mesûd Barzanî ji aliye Weşanxaneya Avesta ve hate weşandin. Herî dawî(2021) pirtûka Arif Zêrevan a bi navê “Kurd – Miletê Jixwemezintir” ku têde behsa çîroka siyasî, civakî û kulturî ya 20 salên dawiyê ya miletê Kurd dike, di nav Weşanen Hîvda de hate belavkirin.
Nivîsén tékildar
