Nasir Kemaloglu

Nasir Kemaloglu di sala 1960an de li Tatosa Erziromê hatiye dine. Dibistana seretayî li gundê xwe, ya navendî jî li Tatosê xwendiye. 1988an de li Amedê, Fakulteya Perwerdehiyê ya Zanîngeha Dîcleyê, ji Beşa Zimanê Frensî mezûn bûye. Sê salan li Stenbolê di şirketekê de wek îdarevan xebitî û di 1992yan de li Geverê dest bi mamostetiya zimanê Tirkî kir. Ji 1996an hetanî 2008an li Wanê xebitî û ji bo pênc salan bi wezîfeya fermî wek Mamosteyê Çand û Zimanê Tirkî çû Fransayê. Li Fransayê, ser zanistiya ziman di Zanîngeha Rouenê de bû xwendekarên masterê û ji ber ku vegeriya welat mastera xwe neqedand. Lê li ser zanistîya ziman xebatên xwe berdewam kir. Di qada zimanê Kurdî (taybetî zaravayê Kurmancî) de gellek xebat û lêkolîn kiriye û her wiha gotar û nivîsên wî yên li ser zimanê Kurdî di çend malper û kovaran de hatine weşandin. Berhema xwe ya li ser ziman “Rêzimana Zêrîn-Kurmancî” amade kiriye û li bende çapkirinê ye. Li Wanê Mamostetîya zimanê Frensî kiriye. Çîrok û helbestên wî yên ji çapkirinê re amade hene. Zewicî ye û bavê çar zarokan e.

Berhemên Nasir Kemaloglu

Ferheng (Kurdî - Tirkî / Tirkî - Kurdî) | Sözlük (Kürtçe-Türkçe / Türkçe-Kürtçe), 2020

ÇAVKANİ

https://www.avestakitap.com/nasir-kemaloglu#

http://www.kovaradeng.com/yazar/47/nasir-kemaloglu

Nivîsén tékildar

Dilawerê Zengî

Nivîskarê Kurd Dilawerê Zengî piştî şewata Sînemaya Amûdê bi heşt mehan tê ser rûyê dinê. Di sala 1961ê de, li bajarê Amûdê hatîye dinyayê. Ew bixwe ji xelkê Kurdistana Bakur e, ji qeza Şêrwanê, welayeta Sêrtê, gundê Qewmik û ji êl û eşîra Dumila ye. Di dema şerê Dewleta Osmanî û Ûris de û ji ber sedemên ramyarî yên wê demê kalkê wî Mihemedê ‘Emê tevî malbata xwe ji gundê xwe derdikevin û berî didin binya xetê. Bi rê de û li gundekî ji gundên Wêranşehrê Mihemedê ‘Emê dimire. Lawên wî Isma’îlê Mihemedê ‘Emê û birayê xwe Mihemed meşextî binya xetê dibin û li bajarê Amûdê bi cî dibin.

Cewad Merwanî

Hunermendê Kurd Cewad Merwanî, di sala 1964an de li gundê Boşat yê girêdayî herêma Farqînê (Silîva) di nava malbateke hunerhez û kurdperwer de hat dinyê. Cewad xwendina xwe ya destpêk û navendî li xwendingehên bajarê Farqînê bi dawî anîn. Piştre ji bo demeke kurt di Zanîngeha Dîclê de Fakûlteya Perwedeyê ji bo mamostetîyê xwend. Lê ji ber sedemên siyasî û pirsgirêka Kurdî neçar ma ku dev ji xwendinê berde. Ji ber ku ew zû pê hesîya ku bi riya zimanê serdest, siyaseta asîmîlasiyônê yê di Kurdistanê de bêtir wê bê meşandin.

Mele Îsmet / Îsmet Kiliçaslan

Mele Îsmet di sala 1932yan de li Çorsêna li ser Tetwanê hatîye dinê. Navê bavê wî Hacî Evdirehman û navê diya wî jî Meryem e. Seyda sê bira û du xwuçk bûne. Navê hevjîna Seyda Nîmet e. Çar kur û du keçên Seyda û Nîmetê hene. Kur û keçeke Seyda li Ewropa, kurekî wî li Bursayê, du kur û keçeke wî jî li Îzmîrê dijîn. Seyda ji binemala Qilîçîyan e.

Ansîklopediya Kurdistanê

Ansîklopediya Kurdistanê

Nasir Kemaloglu

Kategorî

Menu

ANSIKLOPEDIYA KURDISTAN