Nûroj Mûnzûr

Nûroj Mûnzûr (Tezel) di 1988an de li Êlihê hatiye dinyayê. Heya lîseyê li Batmanê xwendîye.

Ji sala 2006an heta 2016an li şaxên Navenda Çanda Mezopotamyayê (NÇM) yên Êlih, Cizîr, Şirnex, Şemrex û Bismilê wek hunermend kar kirîye û waneyên rîtimê daye.

Sala 2016an, ji aliyê qeyûm ve ji karê xwe yê li Şaredarîya Bismilê hatîye dûrxistin.

Piştî salekê ango sala 2017an, li Zanîngeha Munzûrê ya Dêrsimê beşa Kurdîya Kirmanckî qezenc kirîye.

Her wiha li heman zanîngehê, wekî beşa duyemîn dîzaynkarîya modayê jî xwendîye lê bi dawî nekirîye.

Dawîya sala 2019an, di ser xwendina xwe ya Kirmanckî re bi rêya programa Erasmûsê derbasî Zanîngeha Hambûrgê ya Almanyayê bûye û li wir jî salekê beşa Îranîstîkê xwendîye.

Helbestên wê di gelek kovar û malperan de cih girtîye. Hin caran çîrokên kurt jî nivîsîne.

Ji sala 2020î û vir ve li Hambûrgê dijî.

Berhemên Nûroj Mûnzûr:

Bêrîkirinên îlegal (helbest), Weşanên Na, 2013

Û êdî aso ye navê te (helbest), Weşanên Ronahî, 2014

Beytikên Nifiran (helbest), Weşanên Avesta, 2020

Siya Berêvarên Gewr (helbest), Weşanên Avesta, 2025

ÇANKANÎ

https://www.rudaw.net/kurmanci/culture/17082025

https://www.youtube.com/watch?v=OWbBKb09tlk

https://www.youtube.com/watch?v=j1QmoOKkFgg

Nivîsén tékildar

Li ser nivîsê hene têkildarên din

Roza Metîna

Roza Metîna, li Gundê Fitnê yê Dêrika Çiyayê Mazî ya Mêrdînê ji dayik bûye. Dibistana seretayî, navîn û ya amadekariyê li Dêrikê qedand. Li Zanîngeha Stenbolê û Dîcleyê Beşa Gihaştina Zarokan qedand. Li Zarok Tv’yê bernameya Fêrgeh, li Stêrk Tv’yê Bernameya Nûjen pêşkêş kir. Niha li Jin Tv’yê bernameya Teşiya Wêjeyê pêşkeş dike. Di 2016an de bi çîroka xwe ya bi navê ‘Keziyên Ji Bêhna Şitlên Rihanê’ Xelata Festîvala Sêyemîn a Kurteçîrokên li Rojavayê Kurdistanê girt. Di 2017an de di 25emîn Pêşbirka Çîrok û Helbestan a Huseyîn Çelebî de di beşa çîrokên Kurdî de bi çîroka xwe ya ‘Têkoşîna Tîpên Qedexe’ xelata yekemîn girt

Hesen Huseyin Denîz

Hesen Huseyin Denîz, li Stilîla Nisêbînê ji dayik bûye. Xwendegehên xwe li Serêkaniya Rihayê, li Stenbol û li Nîgdeyê qedandiye. Ji ber xebatên şoreşgerî di dema cûntaya leşkerî ya salên heyştêyî de li zindana Amedê maye, piştî hatiye berdan têkoşîna xwe bi awayên cuda domandiye...

Dilşa Yûsûf

Helbestvan, rojnamevan û wergêr Dilşa Yûsûf, di 10ê Hezîrana 1968de li gundê Çetelê ser bi bajarê Dirbêsiyê li Başûr Rojavayê Kurdistanê ji dayik bûye. Derçûya Peymangeha Çandiniyê ya Hesekê ye. Niha li welatê Swêd niştecî ye. Berhemên wê yên wêjeyî hatine wergerandin ser çend zimanên biyanî û di gelek kovar û rojnaman de hatine weşandin. Wergerê ji sê zimanan dike (Kurdî - Turkî- Erebî). Endama gelek sazî, rêxistin û komaleyan e, yên wekî: Yekîtiya Nivîskar û Wergervanên Swêd, Komîta Birêvbiriya Giştî ya Navenda PEN a Kurd, Navenda PEN a Navnetewî, Yekîtiya Nivîskarên Kurd li Herêma Kurdistana Iraqê, Sendîka Rojnamevanên Kurd li Herêma Kurdistana Iraqê, Sendîka Rojnamevanên Cîhanê, Seroka Rêkxirawa Harîkariya Zarokên Penaber...

Ansîklopediya Kurdistanê

Ansîklopediya Kurdistanê

Nûroj Mûnzûr

Kategorî

Menu

ANSIKLOPEDIYA KURDISTAN